کابل ښاروال مولوي عبدالرشید، د کابل شمال - لوېدیځ ( له ذاکرین تر قرغې)پورې سړک، له دهمزنګ څخه تر میرویس میدان (کوټه سنګي) پورې له سړک، له دیوان بیګي څخه تر مهتاب قلعه پورې د نوي نښلوونکي سړک، له امید سبز ښارګوټي څخه تر عرفاني سړک او پر دوام یې تر قلعه قاضي پورې د نښلوونکي سړک په ګډون، د سړک جوړولو پروژو د کار له څرنګوالي څخه څارنه وکړه. د دغو څارنو په پایله کې د پروژو د چارو په مخ بیولو کې د ځنډ، غفلت او همدارنګه د بې کیفیته کار مخه ونیول شوه. کابل ښاروال د چارو پر چټکتیا او ښه کیفیت د ټینګار ترڅنګ وویل: له کیفیت پرته کار خلکو او د کابل ښاروالۍ مشرتابه ته د منلو وړ نه دی؛ د سرغړونې په صورت کې به هغه برخې چې، بې کیفیته جوړې شوې وي ویجاړې او بیاځلي رغول کیږي او په ټولګټو پروژو کې د سرغړونې د تکرار په صورت کې به له سرغړونکو سره قانوني چلند وشي. نوموړي مسئولینو ته سپارښتنه وکړه چې، د سړک جوړونې د پروژو چارې دې ژر تر ژره بشپړې شي او د هغو سړکونو چې اساسي برخې یې جوړې شوې دي، قیر چارې دې ترسره او د پروژو چارې دې داسې تنظیم شي، چې ښاریانو ته د تګ راتګ په برخه کې ستونزې رامنځته نه کړي. کابل ښاروال د ملي شتمنۍ له بې ځایه لګښت څخه د مخنیوي په موخه د ټولګټو پروژو له چارو څخه په رسمي او غیر رسمي وختونو( شپه او ورځ) کې څارنې ترسره کوي