د چارو د کیفیت او چټکتیا په موخه د کابل ښاروالۍ د ودانیزو چارو مرستیال انجنیر عامر زمرک یاسر د خیرخانې کوتل سړک د دویمې برخې له قیر چارو، له لب جر څخه تر سرای شمالي پورې د سړک له قیر چارو، د کارته سه د فرعي سړکونو د جوړولو له چارو او د قمبر څلورلارې له سړک څخه څارنه وکړه او ټینګار یې وکړ چې، د سړکونو قیر چارې دې د هوا حالت په کتو تنظیم شي او د سړکونو په خاورینه برخه دې د لوړ کیفیت لرونکي مواد وکارول شي. نوموړي څرګنده کړه چې، د کیفیت د تضمین په موخه د سړک مواد په لابراتوار کې ازمویل کیږي او هېڅ چاته به اجازه ورنه کړي چې، د ټولګټو پروژو په چارو کې ناغیړي وکړي. د یادونې وړ ده چې، د کابل ښاروالۍ مشرتابه د سړک جوړونې له پروژو څخه په دوامداره توګه فني او تخینکي څارنې ترسره کوي ترڅو د ملي شتمنۍ له بې ځایه لګښت څخه مخنیوی وشي