د ګذر وکیلانو د ارزونې کمېټې ناسته د کابل ښاروالۍ د ټولنیزو او کلتوري چارو د مرستیال حاجي محمد نبي عثماني په مشرۍ ترسره شوه. د ارزونې کمېټې په دې ناسته کې له یو شمېر ناحیو څخه څو تنه ور پېژندل شوي کسان په دقیقه توګه و ارزول شول او په پایله کې هغه کسان چې، لوړې نمرې یې اخیستنې وې د تائید وړ وګرځېدل او د تصویب په موخه د کابل ښاروالۍ مقام ته ور وپېژندل شول. د کابل ښاروالۍ د ولسي او ټولنیزو چارو د همغږۍ رئیس قاري انعام الله قاضي زاده په دې اړه وویل: دغه کمېټه د ګذر وکیلانو په توګه د ور پېژندل شویو کسانو، د ښاري او ټولنیزو مکلفیتونو او مسئولیتونو کچه او شخصیت ارزوي او د کابل ښاروالۍ د مقام له لوري تر تائید وروسته ورته د ولسي او ټولنیزو چارو د همغږۍ ریاست له لوري مُهر سپارل کیږي او اړوند ناحیې ته د ګذر وکیل په توګه ور وپېژندل کیږي