د کابل ښاروالۍ له لوري او د خصوصي سکټور په مرسته، د لومړۍ ناحیې اړوند په سینما بهزاد سیمه کې د وچې میوې د مارکېت جوړولو چارې چې، د روان کال په لومړیو کې پیل شوې وې تر اوسه ۹۰سلنه مخته تللې دي او ټاکل شوې ده ډېر ژر بشپړې او ګټې اخیستنې ته وسپارل شي. دغه مارکېټ د اقتصادي ودې او د ښاري نظم د تنظیم په موخه، په ۵۲۹۰ متر مربع مساحت سره د تکهوۍ په ګډون په دوو پوړونو او پنځو بلاکونو کې جوړېږي چې، په هغه کې ۱۹۰ هټۍ، د ۱۰۰ موټرو لپاره پارکېنګ، یوه عمومي او دوه فرعي دروازې، د ښاري او لمریزې برښنا، د اور وژنې سیسټم، جومات، تشنابونه او نورې آسانتیاوې هم په پام کې نیول شوې دي