د ۲۲مې ناحیې مسئولینو د خوراکي او غیر خوراکي توکو د کیفیت د کنترول او څارنې په لړ کې، د دې ناحیې اړوند بازارونو څخه (۲۲۳۴) کیلو ګرامه بې کیفیته توکي او یو شمېر لودسپیکرونه چې، د غږیزې ککړتیا لامل ګرځېدل راټول او ټاکلي ځای ته ولېږدول شول. د ٢٢مې ناحيې رئیس مولوي محمود په دې اړه وويل: د ښاريانو د روغتيا د خوندي ساتلو په موخه، د دې ناحیې د چاپيريالي روغتيا آمریت له خوا له بازارونو څخه څارنې دوام لري او هيله ده چې ښاريان د خپلو اړتیا وړ توکو د پېرلو پر مهال د هغو نېټې او کيفيت ته پاملرنه وکړي. دغه راز دغږیزې ککړتيا د مخنيوي او کمولو په موخه به د یادې ناحیې په کچه د مسئولينو کنترول او څارنې نورې هم زياتې شي