د کارکوونکو لپاره د خوندي او مناسب کاري چاپېریال د رامنځته کولو په موخه، د تنظیف ریاست په انګړ کې د دوو اداري ودانیو د جوړولو چارې په چټکۍ سره روانې دي. دغه دوه ودانۍ په (۷۰۰) او (۸۰۰) متر مربع ځمکه کې ډیزاین شوې دي چې، یوه یې دوه پوړونه او (۲۴) دفترونه او د وسایلو د ساتلو ځای لري او دویمه یې د یوې تهکوۍ په ګډون په څلورو پوړونو کې ډیزاین شوې ده چې، په هغه کې د خیاطۍ خونه، پخلنځی، د ډوډۍ خوړلو خونه، روغتیايي کلنیک، اداري دفترونه، د غونډو خونه، دهلیز او تشنابونه په پام کې نیول شوي دي. د دې ودانیو د جوړولو چارې چې، څه موده وړاندې پیل شوې وې تر دې دمه (۷۰) سلنه مخته تللې دي او ټاکل شوې ده تر راتلونکو څلورو میاشتو پورې بشپړې شي. د تنظیف ریاست د کابل ښاروالۍ یو مهم ریاست دی چې، د ښار په کچه د تنظیفي خدمتونو د وړاندې کولو مسئولیت په غاړه لري او اړتیا ده چې، د امکاناتو او د کار کوونکو لپاره د مناسب کاري چاپېریال درلودونکی وي ترڅو ښاریانو ته د غوره خدمتونو د وړاندې کولو جوګه شي