د شپږمې ناحیې اړوند په علاءالدین پارک کې د لمانځه ځای او یوه کتابتون د جوړولو چارې بشپړې او د کابل ښاروالۍ د ټولنیزو او کلتوري چارو د مرستیال حاجي محمد نبي عثماني له لوري په داسې حال کې چې، د کابل ښاروالۍ یو شمېر رئیسانو او د سیمې اوسېدونکو یې ملتیا کوله ګټې اخیستنې ته وسپارل شول. د کابل ښاروالۍ د کلتوري چارو رئیس قاري ولي ګل جواد وویل چې، دا د لمانځه ځای او کتابتون په ۱۲۱ متر مربع او ۱۱متره په ۱۱ مترو ځمکه کې په دیروي او کلاسیکه بنّ چې، د اسلامي کلتور ښکارندويي کوي د عصمت الله ابدالي خیریه بنسټ په مرسته په بنسټیزه توګه د یو نیم میلیون افغانیو په لګښت له تیږو، لرګي او نورو زنیتي ودانیزو توکو څخه جوړ شوي دي. نوموړي زیاته کړه چې، ښاریان کولای شي د لمانځه له جوړ شوي ځای او کتابتون څخه ګټه پورته کړي. د یادونې وړ ده چې، ۸۰۰ ټوکه بېلابېل عنوانه کتابونه هم د جوی شیر سیمې د کتاب پلورونکو له لوي یاد کتابتون ته ډالۍ شول