د کابل ښاروالۍ د کار، ساتنې او مراقبت ریاست د نوې اداري ودانۍ د جوړولو چارې تر اوسه (۶۰) سلنه پرمخ تللې او تمه ده چې، د راتلونکو دریو میاشتو په موده کې به بشپړې شي. دغه ودانۍ چې په (۸۵۰) متر مربع ځمکه کې د یوې تهکوۍ په ګډون په (۵) پوړونو کې جوړېږي، اداری دفترونه، د غونډو خونه، دهلیز، پخلنځی، د کاري وسایلو د ساتنې خونه او تشنابونه هم پکې په پام کې نیول شوي دي. د کابل ښاروالۍ د کار، ساتنې او مراقبت ریاست چې، د ښاري زیربناوو په جوړولو او ساتنه کې فعالیت کوي؛ اړتیا ده چې د دې ودانۍله لارې خپلو کارکوونکو ته غوره کاري چاپېریال برابر کړي