د درېيمې ناحيې مسئولينو د دې ناحیې د بېلابېلو سيمو د پلټنې او څارنې پر مهال د هوا د ککړتيا له يو شمېر سرچينو او لښتیو ته د فاضلاب لارو د اېستلو مخه ونيوله. د دغو څارنو په لړ کې د ودانیو د فاضله موادو لسګونه لارې چې د سړک غاړو لښتیو سره نښلول شوې وې، بندې او ویجاړې شوې او همدارنګه د لوړپوړیزو ودانیو د مرکز ګرمۍ په سیستم کې د لوګي د تصفیې فلتر د نصب او فعالولو څخه هم څارنه وشوه او سرغړونکو ته اړینې سپارښتنې و شوې. له دې وړاندې هم له سرغړونکو څخه د خپلو ودانیو د فاضلاب لارو د بندولو په اړه لیکلې ژمنې اخیستل شوې وې چې په پایله کې یې ځینې اصلاح شوي او ځینې سرغړونکي له قانوني چلند سره مخ شوي دي. په پام کې ده چې د یوه عملیاتي پلان په ترڅ کې د ښار په بېلابېلو ناحیو کې لښتیو ته د فاضلاب نښلول شوې لارې بندې او ویجاړې شي