د سړکونو د ګنګل کېدو او د ترافيکي بهیر پر وړاندې د ستونزو د رامنځته کېدو د مخنیوي په موخه، د څوارلسمې ناحيې اړوند د پغمان په بېلابېلو سيمو کې له سړکونو څخه واوره پاکه شوه او دا لړۍ به دوام ولري. د څوارلسمې ناحیې رئیس مولوي غلام محبوب عرفاني په دې هکله وويل: د سړکونو د ګنګل کېدو او د ترافيکي بهیر پر وړاندې د ستونزو د رامنځته کېدو د مخنیوي په موخه، نن سهار وختي د کابل ښاروالۍ د کارکوونکو له خوا د پغمان د چندالبايي له بازار څخه تر باغ عمومي پورې او نورو سیمو سړکونه له واورو پاک شول او په پام کې ده چې، په يادو سړکونو مالګه او شګه هم وشيندل شي