د سړکونو د کنګل کېدو او د ترافیکي بهیر پر وړاندې د ستونزو د رامنځته کېدو د مخنیوي په موخه، د وروستیو درې ورځو په بهیر کې د څوارلسمې ناحیې اړوند د پغمان د زیانمنونکو سیمو له سړکونو څخه د واورې پاکولو چارې د کابل ښاروالۍ د کارکوونکو له خوا ترسره شوې. دغه راز د کابل ښاروالۍ د زرغونتیا ریاست زیارکښه کارکوونکو د ونو او زرغونو سیمو د ساتلو په موخه، له ونو څخه واوره وڅنډله. د کابل ښاروالۍ مشرتابه او کارکوونکي به له شته امکاناتو څخه په ګټې اخیستنې د ښاریانو د هوساینې لپاره له هیڅ راز هلو ځلو ډډه ونه کړي