د هوا له ککړتیا څخه د مخنیوي په موخه، د کابل ښاروالۍ د چاپېریالي روغتیا او چاپېریال ساتنې ریاست له لوري په څلورمه او لسمه ناحیه کې د مرکز ګرمۍ سیستم لپاره د لوګي د تصفیې فلتر له شتون او څرنګوالي څارنه وشوه. له څه مودې را هیسې د کابل ښاروالۍ د چاپېریالي روغتیا او چاپېریال ساتنې ریاست له لوري د ښار په کچه د لوګي د تصفیې فلتر له شتون او څرنګوالي څارنې روانې دي چې، په پایله کې یې د هوا ککړونکي یو شمېر سرچینې په ګوته شوي او په دې برخه کې ځني سرغړونې اصلاح شوې هم دي. د دغو څارنو په لړ کې سرغړونکو ته اړینې سپارښتنې شوې او له دوی ژمنه اخیستل شوې ترڅو هرڅه ژر د مرکز ګرمۍ سیستم لپاره د لوګي د تصفیې فلتر نصب کړي او فعال یې وساتي