د پنځمې ناحیې اړوند د قرغې فامیلیو په سیمه کې د کانال جوړولو چارې چې، د روان کال په بهیر کې د کابل ښاروالۍ له لوري پیل شوې وې، تر اوسه ۹۵ سلنه مخته تللې دي او ټاکل شوې ده ډېر ژر بشپړې شي. دا کانال د ځمکې د سطحي اوبو د مدیریت په موخه د ۴۹۰ مترو په اوږدوالي، د ۱.۹ مترو په سور او د ۱.۶ مترو په ژوروالي سره د جوړېدو په حال کې دی. د دې کانال د چارو په بشپړېدو سره به د ذاکرین ښارګوتي او د قرغې فامیلیو سیمې د کوڅو د سطحي اوبه د قرغې آبرېزه ته ولېږدول شي او د سړکونو له ژر ویجاړېدو څخه به مخنیوی وشي