د ګذر وکیلانو د ارزونې کمېټې په ناسته کې چې، د کابل ښاروالۍ د ټولنیزو او کلتوري چارو د مرستیال حاجي محمد نبي عثماني په مشرۍ ترسره شوه،د دولسمې، دیارلسمې، څوارلسمې او اوولسمې ناحیو له بېلابېلو ګذرونو څخه ور پېژندل شوي کسان و اروزول شول. د کابل ښاروالۍ د ولسي او ټولنیزو چارو د همغږۍ رئيس قاري انعام الله قاضي زاده په دې اړه وويل: په دې ناسته کې د ورپېژندل شویو کسانو د همکارۍ کچه، مکلفيتونه، ټولنيز او ښاري مسئوليتونه، اهلیت او شخصيت تر ارزونې لاندې ونیول شول. د نوموړي په وینا، هغه کسان چې لوړې نمرې یې ترلاسه کړې وې د کمېټې له تائید وروسته د تصویب لپاره د کابل ښاروالۍ مقام ته وړاندیز شول چې، له منظورۍ وروسته به د ولسي او ټولنیزو چارو ریاست له لوري د وکالت مهر له تر لاسه کړي او اړونده ناحیو ته به ور وپېژندل شي