دکابل ښاروالۍ اړوند زیارکښه کارکوونکي د وروستیو دريو ورځو په بهیر کې د پغمان د زيانمنو سیمو له سړکونو څخه د واورو په پاکولو، د شګې او مالګې په شیندلو بوخت ؤ، ترڅو د سړکونو له ګنګل کېدو او د ترافیکي بهیر له ګډوډېدو څخه مخنیوی وشي. دغه راز په پغمان کې د ونو او زرغونو سیمو د ساتنې په موخه، د ونو له څانګو څخه واوره پاکه شوه. د کابل ښاروالۍ کارکوونکي تل چمتو دي چې، په هر ډول شرایطو کې ښاریانو ته د هوسا ژوند رامنځته کولو په موخه، د پام وړ چوپړتیاوې وړاندې کړي.