د کابل ښاروالۍ د کار، ساتنې او مراقبت ریاست د نوې اداري ودانۍ د جوړولو چارې چې، څه موده وړاندې پیل شوې، تر اوسه (۶۵) سلنه پرمخ تللې او تر راتلونکو څلورو میاشتو پورې به بشپړې شي. د هوا د سړښت له امله دا مهال د یادې ودانۍ د برښنا د سیستم جوړولو چارې ترلاس لاندې دي چې د ژمنيو تدابیرو په نیولو سره به یې پاتې چارې هم پر مخ ولاړې شي. دغه ودانۍ چې په (۸۵۰) متر مربع ځمکه کې د یوې تهکوۍ په ګډون د (۵) پوړونو په درلودلو سره ډیزاین شوې ده، دفترونه، د غونډو خونه، دهلیز، پخلنځی، د کاري وسایلو د ساتلو خونه او تشنابونه هم پکې په پام کې نیول شوي دي. د کابل ښاروالۍ د کار، ساتنې او مراقبت ریاست د ښاري زیربناوو په جوړولو او ساتنه کې فعالیت کوي؛ اړتیا وه چې د دغې نوې ودانۍ په جوړولو سره خپلو کارکوونکو ته غوره کاري چاپېریال چمتو کړي