د لسمې ناحیې اړوند د شهرنو په بازارونو کې د بېلابېلو اصنافو د فعالیت له څرنګوالي څخه څارنه وشوه او سرغړونکو ته اړینې سپارښتنې وشوې. د لسمې ناحیې رئیس مولوي نورالوهاب نوري په دې هکله وویل چې، د یادې سیمې په بازارونو کې د نرخنامې د تطبیق له څرنګوالي، د توکو له کیفیت او نېټې، صنفي جواز، حفظ الصحې او د قصابیو، نانوایانو او رستورانتونو د کارکوونکو د روغتیا کارت له شتون څخه څارنه وشوه. نوموړي زیاته کړه چې، د څارنو په لړ کې فعالیت کوونکو ته سپارښتنه وشوه ترڅو په خپل فعالیت سره د پلو لارو او سړکونو د بندېدو لامل ونه ګرځي او پر ګرځنده پلورونکو هم ټینګار وشو چې، د ګڼه ګوڼې او بې نظمۍ له رامنځته کولو څخه په کلکه ډډه وکړي