د اوولسمې ناحیې د مسئولینو له لوري د یادې ناحیې اړوند د کوتل بازار، بوستان سړک او ورڅېرمه نورو سیمو کې ښاري نظم و ارزول شو ترڅو اوسنی وضعیت مثبت بدلون ومومي. د یادې ناحیې د رئیس مولوي حبیب الحق حقاني په وینا؛ فعالیت کوونکو او اصنافو ته سپارښتنه وشوه چې، په پلو لارو کې د توکو له اېښودلو څخه په کلکه ډډه وکړي. نوموړي زیاته کړه: د یادې ناحیې د عمومي سړک په اوږدو کې د هټیو مخې ته ناقانونه رغونو ته رسېدنه وشوه او د لیني موټرو تم ځایونه او ګرځنده پلورونکي بدیلو سیمو ته ولېږدول شول ترڅو د ښاري سیمو په بڼه کې غوره بدلون راشي. ښاري نظم یو اصل دی چې، د کابل ښاروالۍ د مسئولینو له لوري د عملیاتي پلانونو له لارې څارل کیږي ترڅو ښاري سرغړونو ته رسېدنه وشي.