د ښاري سیمو د خوندي ساتلو او ښاریانو ته د آسانتیاوو رامنځته کولو په موخه،د اتمې ناحیې مسئولینو د ښاري نظم د عملیاتي پلان د پلي کولو له لارې د لوګر له ټانک څخه تر بني حصار پورې د سړک په اوږدو کې له ګلدانونو او پلولارو څخه خنډونه له منځه یوړل. د اتمې ناحیې رئیس مفتي روح الله عثماني په دې هکله وویل: په ګڼه ګوڼې لرونکو سیمو کې د ښاري سرغړونو د مخنیوي په موخه، د ارزول شویو پلانونو له لارې ښاري نظم څارل کېږي. نوموړي زياته کړه، د ښاري نظم د عملياتي پلان په ترڅ کې به له سړکونو او پلولارو څخه ناقانونه تاسيسات او نور خنډونه پاک شي