د کابل ښار د تلپاتې ودې په موخه، د کابل ښاروالۍ له لوري د اولسمې ناحیې اړوند په نود یک فامیلیو سېمه کې د ښاري پراختیا پروژې د لومړۍ برخې چارې د ژمنیو تدابیرو په نیولو سره روانې دي. د دې پروژې په لومړۍ برخه کې چې، په (۱۴۱۸) متر مربع ځمکه کې د لسو پوړونو په درلودلو سره پلې کېږي، د دوه بلاکونو جوړول په پام کې نیول شوي دي چې، لومړی پوړ یې سوداګریز او پاتې (۹)پوړونه به یې استوګنیز وي. په دغو دوو بلاکونو کې د (۱۰۸) استوګنیزو آپارتمانونو، هټیو او لوی پلورنځي،د زرغونو سیمو، پلو لارو، پارکینګونو او نوورو بنسټیزو اړتیا وو جوړول هم شامل دي. کابل ښاروالۍ ژمنتیا لري چې، د پروژو د پلي کولو په موخه، د ځمکې د استملاک پرځای له پرمختللو او نویو کړنلارو (د ځمکې بیا تنظیم او پراختیا ) څخه د کابل ښار د تلپاتې ودې لپاره کار واخلي. د یادولو وړ ده چې، کابل ښاروالۍ په پام کې لري څو په راتلونکي کې د تخنیکي سندونو له چمتو کولو او د تدارکاتي پړاونو له ترسره کولو وروسته د یادې پروژې د دویمې برخې د پلي کېدو چارې پیل کړي.