د کابل ښاروالۍ د تنظیف ریاست له لوري د ځمکې د سطحي اوبو د مدیریت په موخه، د دوولسمې ناحیې اړوند د امنیت ښارګوټي د کانال پاکولو چارې پیل شوې. د تنظیف ریاست د کانالونو د آمر انجنیر نوید احمد شېرزاد په دې اړه و ویل؛ له بده مرغه دغه کانال د یو شمېر ښاریانو د بې پروايۍ او په کې د کثافاتو اچولو له امله بند شوي ؤ. نوموړي زیاته کړه، یاد کانال چې (۲) کیلو متره اوږدوالی، او له یو متر څخه تر (۱.۲) مترو پورې سور لري، په اساسي توګه به بیا پاک شي. ښاغلي شېرزاد د دې کانال په اوږدو کې له میشتو ښاریانو غوښتنه وکړه چې، د کانال پاک ساتلو ته پام وکړي څو په راتلونکې کې بیاځلي بند نشي