د پُل سوخته- پُل سرخ سړک په اوږدو کې د کابل سیند د پاسه د موټرو د تګ راتګ یوه پله د جوړولو چارې روانې دي چې، په لومړي سر کې به یې ګاډر نصب او وروسته به د پله فرش جوړ شي. د یاد پله د جوړولو چارې د تخنیکي سندونو او ډیزاین له مخې، د (۳۰) مترو په اوږدوالي او (۲۰) مترو په سور سره په ښه کیفیت روانې دي. د دغه پله په جوړېدو سره به ښاریانو ته د تګ راتګ په برخه کې ګڼې آسانتیاوې رامنځته شي او د دواخانې ګولایي سړک، د کارته چهار سړک او د میرویس میدان ( کوټه سنګي) په څلورلارې کې به ترافیکي ګنه ګوڼه کمښت ومومي.