د دولسمې ناحیې د مسئولانو د هڅو په پایله کې د یادې ناحیې اړوند له یوه کور څخه ۱۰ د لښتیو اوسپنیز پوښونه وموندل شول او ټاکل شوې ده بېرته په هغه ځایونو کې چې، لښتي یې پوښ نه لري ترې ګټه واخیستل شي. دا چې لیدل کیږي یو شمېر فرصت غوښتونکي د لښتیو له سر څخه اوسپنیز پوښونه غلا کوي؛ کابل ښاروالي دا موضوع په جدي توګه څېړي او په دې برخه کې له ښاریانو څخه هم د مرستې غوښتنه کوي. په استوګنیزو ځایونو او کورونو کې د لښتیو د اوسپنیزو پوښونو او یا یې هم د پېر او پلور د لیدنې پرمهال کابل ښاوالۍ او یا اړوند ناحیې ته خبر ورکړئ ترڅو ورته اړینه رسېدنه وشي