د کابل ښاروالۍ د تنظیف ریاست کارکوونکي د ښار د پاکۍ او نظافت په موخه پرته له ځنډه په دوه کاري وختونو ( شپه او ورځ) کې د ښار په بېلابېلو برخو کې د کثافاتو په راټولولو، د بندو لښتیو په پاکولو او د سړکونو په جارو کولو بوخت دي. له ټولو ښاریانو هیله کیږي چې، کثافات په سړکونو او نورو عامه سیمو کې ونه غورځوي؛ ځکه د کابل ښاروالۍ د تنظیف برخې کارکوونکي په دې برخه کې ډېر زیار ګالي. د ښار پاکي او نظافت ساتل د ټولو ښاریانو ګډ مسئولیت دی.