د دویمې ناحیې د مسئولینو له خوا د یادې ناحیې په بازارونو کې د خوراکي او غیر خوراکي توکو له نېټې او کیفیت څخه څارنه وشوه او سرغړونکو ته له تادیب سربېره، اړیني سپارښتنې وشوې. د یادې ناحیې مرستیال مولوي عبدالرحیم محمدي په دې هکله وویل: د دغو څارنو په لړ کې یوه اندازه بې کیفیته خوراکي او غیر خوراکي توکي چې د مصرف نېټه یې هم پای ته رسېدلې وه راټول او د له منځه وړلو په موخه ټاکلي ځای ته ولېږدول شول. نوموړي زیاته کړه چې، د دې ناحیې له بازارونو څخه په دوامداره توګه څارنه کیږي او فعالیت کوونکو ته سپارښتنه شوې ده چې، د بې کیفیته او تېر وخته توکو له پلورلو څخه په کلکه ډډه وکړي ځکه د ښاریانو روغتیا له ګواښ سره مخ کوي. دغه راز نوموړي له ښاریانو غوښتنه وکړه چې، د خپلو اړتیا وړ توکو د پېرلو پرمهال د هغوی نېټې او کیفیت ته په جدي توګه پام وکړي.