د کابل ښاروالۍ د تنظیف ریاست له خوا د ښار په بېلابېلو سیمو کې د بندو لښتیو او کانالونو د پاکولو چارې روانې دي ترڅو د اورښتونو پرمهال سړکونو ته د اوبو راختلو مخه ونیول شي. د ښار په کچه د ډیری لښتیو او کانالونو د بندېدو لامل د یو شمېر بې پروا ښاریانو له خوا د کثافاتو اچول دي چې، له امله یې د تنظیف ریاست زیارکښه کارکوونکي په دې برخه کې ډېر زیار ګالي. کابل ښاروالي له ټولو ښاریانو غوښتنه کوي چې، د ښار په کچه د لښتیو او کانالونو پاک ساتلو ته پام وکړي ترڅو د ځمکې د سطحي اوبو مخه بنده نشي.
د بندو لښتیو او کانالونو د پاکولو چارې روانې دي