د کابل ښاروالۍ د تنظیف ریاست د کارکوونکو له لوري د شپږمې ناحیې اړوند د پُل سوخته- دارالامان سړک په اوږدو کې د اوبو ډنډ کېدو ستونزې ته رسېدونه وشوه. د تنظیف ریاست د کانالونو د آمر انجنیر نوید احمد شیرزاد په وینا؛ د یاد ریاست پرسونل او ماشینري هڅه کوي ترڅو په یاده او د ښار په نورو زیانمنونکو سیمو کې د اوبو ډنډ کېدو ستونزې ته په وخت رسېدنه وکړي. د نوموړي په وینا وروستي اورښتونه د پُل سوخته – دارالامان سړک په اوږدو کې د لښتیو بندېدو او تخنیکي ستونزو را ولاړېدو سب ګرځېدلي دي او تر تخنیکي او فني مطالعاتو وروسته به په دې سیمه کې د اوبو د ډنډ کېدو ستونزو په اساسي توګه حل شي. له وخت نه په ګټه اخیستلو او ستونزې ته د ژر رسېدو په موخه تنظیف ریاست سیمې ته واټر پمپ لېږدولی ترڅو بند لښتي پاک کړي.
د پُل سوخته- دارالامان سړک په اوږدو کې د اوبو ډنډ کېدو ستونزې ته رسېدنه وشوه
8 حوت 1403