د روژې مبارکې میاشتې د رارسیدو په مناسبت، د اړوندو مسئولینو له خوا د پنځلسمې ناحیې د بیلابیلو سیمو په بازارونو کې د نرخنامې د تطبیق له څرنګوالي څخه څارنه وشوه او سرغړونکو ته له تادیب سربېره لازمې سپارښتنې وشوې. د پنځلسمې ناحيې رئیس انجنیر عبیدالله شیرزاد په دې اړه وویل: د خوراکي توکو په پلورنځيو، سوپر مارکيټونو او قصابیانو کې د اړتیا وړ توکو له پلورلو څخه څارنه وشوه، هغه پلورونکي چې، د کابل ښاروالۍ د نرخنامې مطابق یې عمل کړی ؤ وهڅول شول، او هغه کسانو ته چې سرغړونې یې درلودې، لازمې سپارښتنې وشوې.