له قمبر څلورلارې څخه تر څلوېښت متره سړک پورې د نوي سړک چارې روانې دي

د پنځمې ناحیې اړوند له قمبر څلورلارې څخه تر څلوېښت متره سړک پورې د نوي سړک چارې چې، د هوا د سوړوالي له امله ځنډېدلې وې، بیا پیل شوې. دا سړک ۵۵۸ متره اوږدوالی او ۴۶ متره سور لري چې، د یوه معیاري سړک د ټولو په برخو په ګډون جوړېږي او اوس مهال یې د پلو لارو د جوړولو چارې روانې دي او هڅه کیږي هرڅه ژر یې کارونه بشپړ او ګټې اخیستنې ته وسپارل شي. د دې سړک په جوړېدو سره به د قرغې بند، ذاکرین ښارګوټي او کمپنۍ سړک په ترافیکي ګڼه ګوڼه کې د پام وړ کموالی راشي