د ښاري نظم د رامنځته کېدو په موخه، د زرنګار پارک په شاوخوا، د پوهنې وزارت مخې ته د فروشګاه سیمې یوې برخې او له پل باغ عمومي څخه تر شاه دو شمشېره پورې په ټولیزه توګه د (۳۴۷۰) مترو په اوږدوالي او (۱.۲) مترو په لوړوالي سره په پلو لارو کې د فلزي کټارو د نصبولو چارې د کابل ښاروالۍ له خوا پیل شوې. دغه کټارې د پیاده رونو او پلي تګ په برخه کې د نظم رامنځته کولو، په سړکونو کې د ګڼې ګوڼې د مخنیوي او د ښاري ښکلا رامنځته کولو په موخه طرحه شوې چې له نصب وروسته به رنګ شي. د يادونې وړ ده، چې د يادو سيمو د سړک غاړې پلو لارو او لښتیو ځیني برخې به هم په معياري او اساسي ډول بیاورغول شي