د روژې مبارکې میاشتې په مناسبت د یوولسمې ناحیې د مسئولینو له لوري د یادې ناحیې په بازارونو کې د نرخنامې له تطبیق څخه د ډاډ ترلاسه کولو په موخه، څارنه وشوه او سرغړونکو ته له تادیب سربېره، اړینې سپارښتنې وشوې. د یوولسمې ناحیې رئیس مولوی ذبیح الله نبی خیل په دې اړه وویل: په هټیو او لویو پلورنځیو کې د لومړنیو خوراکي توکو له بیو او د قصابیو له فعالیت څارنه وشوه، هغه کسان چې، خپل توکي یې د کابل ښاروالۍ د نرخنامې مطابق پلورل وهڅول شول او یو شمېر هغه هټېوالو چې سرغړونې درلودې لازمې سپارښتنې ورته وشوې