کابل ښاروال د ښاري مدیریت په برخه کې د ارزښتناکه کړنو په ځانګړې ډول د ادرس موندنې برنامې د ښه تطبیق له امله د لسمې ناحیې د اوسېدونکو له لوري وستایل شو. د شهید سردار عبدالقدوس خان اعتماد الدوله د کورنۍ او د سیمې د اوسېدونکو په استازیتوب سردار مسعود اعتمادي په خپلو خبرو کې د کابل ښاروالۍ وروستۍ کړنې وستایلې او خپل رغنده وړاندیزونه او نظرونه یې له کابل ښاروال سره شریک کړل. ورته مهال کابل ښاروال ځان د کابل ښاریانو خادم یاد کړ او یې ویل: د خلکو ملاتړ او هڅونه دوی ته د کار کولو لا ډېر قوت ورکوي ترڅو د آبادۍ او پرمختګ په برخه کې لا ډېر اوچت ګامونه واخیستل شي. کابل ښاروال وړاندې وویل: د خلکو پر ځای غوښتونو ته رسېدنه زموږ لومړیتوب دی او له موجوده سرچینو او فرصتونو څخه په ګټه اخیستلو به د خلکو د ستونزو هوارولو په برخه کې کار واخیستل شي.