د کابل ښاروالۍ د کار، ساتنې او مراقبت ریاست له خوا د دولسمې ناحیې اړوند د احمد شاه بابا مېنې د ۱۳، ۱۴، ۱۵ او ۱۶م بلاکونو ترمنځ د سړک د پلو لارو د جوړولو چارې چې، څه موده وړاندې پیل شوې وې، ۳۰ سلنه مخته تللې دي. د کار، ساتنې او مراقبت ریاست د مسئولینو په وینا؛ ټاکل شوې ده دغه پلې لارې د ۶ کیلو مترو په اوږدوالي، د ۳.۵ او ۴.۵ مترو په سور سره له انترلاک تېږو څخه په ګټه اخیستلو جوړې شي. پلې لارې عامه ملکیتونه دي چې، په ټولو ښاریانو پورې اړه لري؛ هېڅ حکمي او حقیقي شخص حق نه لري چې، له پلو لارو څخه شخصي ګټه پورته کړي.