د ښار د پاک ساتلو او ښاریانو ته د خدمت کولو په موخه، د کابل ښاروالۍ د تنظیفي کارکوونکو فعالیت د اختر په ورځو کې هم دوام درلود. په ښار کې تولید شوي کثافات په خپل وخت راټول او ولېږدول شول چې دې کار د ښاریانو خوښي راپارولې وه. د کابل ښاروالۍ تنظیفي کارکوونکي په هر ډول شرایطو کې ښاریانو ته له ځنډه پرته چوپړتیاوې وړاندې کوي، د ښار په پاک ساتلو کې ورسره مرسته وکړئ او کثافات په ټاکلو ځایونو کې واچوئ.