د کابل ښاروالۍ د تنظیف رياست د ښار په بېلابېلو زیانمنونکو سيمو کې د اوبود راوتلو ستونزې ته رسېدنه وکړه. په زیانمنونکو سیمو کې د اوبو د راوتلو لامل، په لښتیو او کانالونو کې د یو شمېر ښاریانو له خوا د کثافاتو اچول او د لښتیو او کانالونو په جوړښت کې تخنیکي ستونزې بلل شوې دي، او په پام کې ده چې د زیان منونکو سیمو ستونزې به له فني او تخنیکي څېړنو وروسته په معیاري او اساسي ډول هوارې شي. پاتې دې نه وي چې، د پروان سه، لب جر، د آریا ښارګوټي مخې ته او نورو ځایونو کې د اوبو د راټولېدو مخه نیول شوې ده، او په زیانمنو سیمو کې وضعیت تر کنټرول او څارنې لاندې دی. دغه راز له ښاریانو هم هیله کیږي چې خپل کثافات په لښتیو او نورو نامناسبو ځایونو کې ونه غورځوي