د ښاریانو د روغتیا خوندیتوب په موخه، د دوه ویشتمې ناحیې د مسئولینو له خوا د یادې ناحیې اړوند بازارونو څخه د څارنو په لړ کې (۵۰۹۰) کیلو ګرامه بې کیفیته خوراکي او غیر خوراکي توکي چې، دمصرف نېټه یې هم پای ته رسېدلې وه راټول او د له منځه وړلو په موخه ټاکلي ځای ته ولېږدول شول. له ټولو ښاریانو غوښتنه کېږي چې، د خپلو اړتیا وړ توکو د پېرلو پر مهال د هغوی نېټې او کیفیت ته پام وکړي. د کابل ښاروالۍ مسئولین په دوامداره توګه د بېلابېلو ناحیو په بازارونو کې د توکو له کیفیت او نېټې څخه څارنې کوي او له سرغړونکو سره قانوني چلند کېږي.