د یو ویشتمې ناحیې د مسئولینو له خوا د یادې ناحیې اړوند بازارونو څخه د څارنې په لړ کې، (۱۷۰۰) کیلو ګرامه بې کیفیته خوراکي او غیر خوراکي توکي چې، د مصرف نېټه یې هم پای ته رسېدلې وه او یو شمېر لوډسپیکرونه چې، د غږیزې ککړتیا لامل ګرځېدلي وو راټول او د له منځه وړلو په موخه ټاکلي ځای ته ولېږدول شول. د یو ویشتمې ناحیې د ښاري خدمتونو آمر مولوي سید شفیع الله په دې اړه وویل: د ښاریانو د روغتیا خوندي ساتلو په موخه، د یادې ناحیې د چاپېریالي روغتیا او چاپېریال ساتنې څانګې له خوا له بازارونو څخه څارنې دوام لري. نوموړي له ښاریانو غوښتنه وکړه چې، د خپلو اړتیا وړ توکو د پېرلو پرمهال دې د هغوی نېټې او کیفیت ته پام وکړي او پلورونکي هم باید د بې کیفیته توکو له پلورلو څخه په کلکه ډډه وکړي.