د ترافیکي بهیر د تنظیم په موخه، د کابل ښاروالۍ له خوا له ده دانا څخه تر دارالامان ماڼۍ پورې د(۶۱۰) متره په اوږدلي سړک باندې د کرښو اچولو چارې ترسره شوې. په سړک د کرښو اچول په ټوله کې نښلوونکې او منقطع کرښې، د پلولارو دهلیزونه، او ترافیکي سمبولونه په برکې نیسي، چې خورا مهم او د اهمیت وړ دي. کابل ښاروالۍ هوډ لري، چې په راتلونکو ورځو کې په یو شمېر نویو سړکونو باندې د کرښو اچولو چارې ترسره کړي. له ښاریانو څخه هیله کېږي چې ترافیکي کرښو او نورو ترافیکي اصولو او مقرراتو ته پاملرنه وکړي.