د خوراکي او غیرخوراکي توکو د کیفیت د کنټرول په لړ کې، د دیارلسمې ناحیې مسئولینو د دې ناحیې له بازارونو څخه (۵۵۴۶) کیلو ګرامه بې کیفیته توکي چې د مصرف نېټه یې هم پای ته رسېدلې وه، او دغه راز (۱۰۲) لوډسپیکرونه چې د غږیزې ککړتیا لامل ګرځېدل راټول او د له منځه وړلو په موخه ځانګړي ځای ته ولېږدول شول. د ديارلسمې ناحيې رئیس مولوي عبدالصمد عابد په دې تړاو وويل: د ښاريانو د روغتيا د خوندي ساتلو په موخه، د دې ناحیې د چاپېريال ساتنې برخي د مسؤلینو له خوا په بازارونو کې څارنې دوام لري او له ښاريانو يې وغوښتل، چې د اړتیا وړ توکو د پېرلو پر مهال دهغوی نېټې او کيفيت ته پام وکړي. همدارنګه پلورونکو ته هم په کار ده چې، د بې کیفیته توکو له پلورلو څخه په کلکه ډډه وکړي.
د دیارلسمې ناحیې اړوند بازارونو څخه څه باندې ۵،۵ ټنه بې کیفیته توکي راټول شول