د لومړۍ ناحیې اړوند له پُل خشتي څخه تر سپاهي ګمنام چوک پورې تر ځمکې لاندې د یوه سوداګریز مارکېټ د جوړولو چارې د بشپړېدو په حال کې دي او ډېر ژر به د مارکېټ په سر سړک هم جوړ شي. دغه مارکېټ د اقتصادي ودې په موخه د کابل ښاروالۍ له لوري د خصوصي سکټور په مرسته،په ۷۲۸۰ متر مربع ځمکه کې د یوه پوړ په درلودلو سره په بنسټیزه توګه د جوړېدو په حال کې دی چې، په هغه کې ۳۴۰ هټۍ، د وتلو او ننوتلو دروازې، تشنابونه، ښاري او لمریزه برښنا او د اور وژنې سیسټم په نظر کې نیول شوي دي. د دې مارکېټ په جوړېدو سره به د ښاري نظم رامنځته کېدو سربېره، د سیمې اقتصادي ظرفیت هم لوړ شي