د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د دیارلسمې ناحیې د ۶۰م ګذر اړوند د برچي په قلعه سرفراز سیمه کې د (۵۲۰) مترو په اوږدوالي، (۲.۹) مترو په سور او د (۱.۲) مترو په ژوروالي سره د اوبو لېږدولو یوه کانال د جوړولو چارې روانې دي. د دیارلسمې ناحیې رئیس مولوي عبدالصمد عابد په دې اړه وویل چې، د یاد کانال د جوړولو چارې تر دې دمه (۸۵) سلنه مخته تللې دي او تر راتلونکې یوې میاشتې پورې بشپړې شي. د دې کانال په جوړېدو سره به د کاریز او برچي جر په سیمو کې د اوبو راوتلو ستونزې هوارې او د سړکونو له ژر ویجاړېدو څخه به مخنیوی وشي.