د ترافیکي بهیر د تنظیم په موخه، د کابل ښاروالۍ د کار، ساتنې او مراقبت ریاست له خوا د پنځمې او دیارلسمې ناحیو اړوند د کمپنۍ- برچي په نوي نښلوونکي سړک د کرښو اچولو چارې پیل شوې. په سړک د کرښو اچول په ټوله کې نښلوونکې، منقطع، د پلو لارو دهلیزونه او ترافیکي سمبولونه په بر کې نیسي چې، له خورا اهمیت څخه برخمن دی. د کمپنۍ- برچي نوی نښلوونکی سړک له قلعه ناظر څخه د نخاس تر حمام پورې (۲۲۷۴) متره اوږدوالی او (۳۰) متره سور لري چې، د یاد سړک په اوږدو کې د کابل سیند د پاسه د یوه پله په ګډون یې د جوړولو چارې تېر کال بشپړې شوې دي او یوازې د کرښو اچولو او د څراغونو لپاره د پایو نصبولو چارې پاتې وې چې، هغه هم اوس د ترسره کېدو په حال کې دي. د دې سړک په جوړېدو سره د پُل سوخته سیمې ترافیکي ګڼه ګوڼه کمه شوې او د سیمو د اقتصادي ودې سربېره، ښاریانو ته ګڼې آسانتیاوې رامنځته شوې دي