د ښاریانو د روغتیا د خوندي ساتلو په موخه، د څلورمې ناحیې اړوند بازارونو څخه (۱۷۰۰) کیلو ګرامه بې کیفیته توکي او (۴۰) لوډسپیکرونه چې د غږیزې ککړتیا لامل ګرځېدل راټول او د له منځه وړلو په موخه ټاکلي ځای ته ولېږدول شول. د څلورمې ناحیې د چاپېریالي روغتیا مدیر اسدالله عبادي په دې اړه وویل چې، له بازارونو څخه په دوام داره توګه څارنې روانې دي. نوموړي له ښاریانو څخه غوښتنه وکړه، چې د اړتیا وړ توکو د پېرلو پر مهال د هغوی نېټې او کیفیت ته پام وکړي.