د ښاري سیمو د ښکلا او زرغونتیا په موخه، د دولسمې ناحیې مسئولینو د څو غصب شویو زرغونو سیمو د جوړولو په اړه چې، په دې وروستیو کې بېرته راګرځول شوې دي اقدام کړی دی. په تېرو کلونو کې غاصبانو او فرصت غوښتونکو په دغو زرغونو سیمو کې د خپلو شخصي ګټو په موخه، ناقانونه تاسيسات جوړ کړي وو، چې اوس ویجار او پاک شوي دي. کابل ښاروالۍ د ماسټر پلان له مخې، غصب شوې زرغونې سیمې بېرته راګرځوي او د زرغونتیا او ښکلا په موخه یې اقدام کوي. دغه راز دغه خدماتي اداره له ټولو ښاریانو څخه غوښتنه کوي چې، د غصب شویو سیمو د لیدو په صورت کې دې د اړوندو ناحیو له لارې د کابل ښاروالۍ مسئولینو ته خبر ورکړي او په دې برخه کې دې خپل مسئولیت ادا کړي.