د دیارلسمې ناحیې اړوند د برچي عمومي سړک او ورڅېرمه نورو سړکونو په اوږدو کې ښاري نظم رامنځته شوی، او د ښاریانو د تګ راتګ لپاره آسانتیاوې برابرې شوې دي. د ديارلسمې ناحيې رئیس مولوي عبدالصمد عابد په دې اړه وويل: د دې ناحیې بېلابېلې سیمې د خنډونو له شتون څخه پاکې شوې او د زرغونتیا په موخه يې هڅې روانې دي. نوموړي زیاته کړه چې، د ښاري ښکلا او د زرغونو سیمو د پراختیا په برخه کې د سوداګریزو او استوګنیزو ودانیو یو شمېر مالکانو خپل مسئولیت ادا کړی دی او په راتلونکي کې به دوام ومومي. ښاغلي عابد د خپلو خبرو په دوام وویل: ښاري سیمې له غیرقانوني غرفو پاکې او بدیلو سیمو ته لېږدول شوې دي، په پلورنځیو او سوپر مارکیټونو کې د خوراکي او غیرخوراکي توکو له نرخونو او د ښاریانو د اړتیا وړ توکو له نېټې او کیفیت، او دغه راز په قصابیو او نانوایانو کې دصنفي جواز، د روغتیا کارت له شتون او د حفظ الصحې له څرنګوالي څخه څارنه شوې او دغه لړۍ دوام لري. همدا شان په يادو سيمو کې بېلابېلو اصنافو ته سپارښتنه شوې، چې د خپلو فعاليتونو په ترڅ کې د سړکونو او پلولارو د بندولو او د چاپېريالي ستونزو او ګڼې ګوڼې د رامنځته کولو څخه په کلکه ډډه وکړي