د کابل ښاروالۍ د ټولنیزو او ولسي چارو د همغږۍ ریاست له لوري د اتمې ناحیې ۳۹ تنو ګذر وکیلانو ته د وکالت باورلیکونه ووېشل شول. د کابل ښاروالۍ د ټولنیزو او ولسي چارو د همغږۍ رئیس قاري انعام الله قاضي زاده وویل چې، دا باورلیکونه بشپړ رسمیت لري او په وسیله یې د ګذر وکیلانو مکلفیتونه او مسئولیتونه ډېرېږي. نوموړي غوښتنه وکړه چې، ګذر وکیلان باید د چاپېریالي او ښاري ستونزو د پېژندلو او هوارولو په برخه کې د کابل ښاروالۍ له مسئولانو سره همکار و اوسي