د اتمې او شپاړلسمې ناحیو اړوند له کارته نو ( د اوبو رسولو شرکت ته څېرمه) څخه د قلعه زمان خان تر عمومي سړک پورې د نوي نښلوونکي سړک د جوړولو په موخه، د کېندنو او خاورې لېږدولو چارې روانې دي. دغه سړک چې (۳٠۹۴) متره اوږدوالی او (۳۰) متره سور لري، د (۱۹) زره متر مکعب په اندازه استنادي دېوالونو، لښتیو، پلو لارو، ګلدانونو، د بایسکل چلولو لیکو جوړولو، د څراغونو نصبولو، په سړک د کرښو اچولو او د یوه معیاري سړک د نورو برخو په ګډون به د روان کال په بهیر کې جوړ شي. د یادې پروژې د کار د کیفیت د تضمین په موخه، په بېلابېلو پړاونو کې د برنامو او پروژو د تنظیم ریاست د انجنیرانو له خوا فني او تخنیکي څارنې ترسره کېږي.