د ښاري ستونزو د پیژندلو او حل لارو موندلو په موخه د کابل ښاروالۍ د ولسي او ټولنیزو چارو د همغږۍ ریاست له خوا د لسمې ناحیې (۱۷) تنو ګذر وکیلانو ته باورلیکونه وویشل شول. قاري انعامالله قاضيزاده، د کابل ښاروالۍ د ټولنیزو چارو او د خلکو د همغږۍ رئیس، د ګذر وکیلانو د دندو او مسؤلیتونو د بیانولو ترڅنګ وویل: دا اعتبارنامه یو رسمي سند دی چې د کابل ښاروالۍ له خوا صادرېږي،بشپړ رسمیت لري او له مخې یې د خلکو د استازو (ګذر وکیلانو) مسؤلیتونه او مکلفیتونه ډېرېږي. نوموړي زیاته کړه چې، اړتیا ده ګذر وکیلان د ښاري او چاپېریالي ستونزو د پېژندلو او هوارولو په برخه کې تر بل هر وخت له کابل ښاروالۍ او نورو اړونده ادارو سره بشپړه همغږي او همکاري ولري