د ښاري ستونزو د پېژندلو او هوارولو په موخه د کابل ښاروالۍ د ښاري خدمتونو مرستیال مولوي محمد خالد سجستاني د شپږمې او دیارلسمې ناحیو د اوسېدونکو له استازو سره وکتل. په دې لیدنه کې د یادو ناحیو اوسېدونکو د کابل ښاروالۍ د مشرتابه له کړنو او لاسته راوړنو ستاینه وکړه او خپلې ستونزې او اصلاحي وړاندیزونه یې د کابل ښاروالۍ له مشرتابه سره شریک کړل. ښاغلي سجستاني د ښاري خدمتونو د وضعیت په ښه کېدو کې د خلکو رول مهم وباله او ویې ویل چې، د خلکو ستونزو او غوښتنو ته په وخت رسېدنه د کابل ښاروالۍ له کاري لومړیتوبونو څخه دي او هڅه کوي چې، له خپلو شته امکاناتو څخه د ښاري ستونزو په لمنځه وړلو کې ډېره ګټه پورته کړي. نوموړي ډاډ څرګند کړ چې، د شپږمې او دیارلسمې ناحیې په هغو سیمو کې به چې، مخکې ورته کمه پاملرنه شوې ده د ښاري خدمتونو د وړاندې کولو لړۍ چټکه کړي او په یادو سیمو کې به د سړکونو د جوړولو، د تنظیفي خدمتونو د وضعیت ښه کولو، د زرغونو سیمو د پراختیا او د نورو اړتیاوو د پوره کولو په برخه کې د نویو پلانونو د پلي کېدو شاهدان و اوسو