د کابل ښاروالۍ د تشکیل په چوکاټ کې د یادې ادارې په وړاندیز او د ریاست الوزرا عالي مقام د منظورۍ له مخې ښاغلی عبدالقادر عیسي خیل د ورکشاپ رياست لپاره رئیس وټاکل شو او د کابل ښاروالۍ مقام د دفتر رئیس مفتي عبدالقادر نعماني او د کارکوونکو چارو رئیس فضل عمر اجمل له لوري کارکوونکو ته ور وپېژندل شو. په دې مراسمو کې د کابل ښاروالۍ مقام د دفتر رئیس د کابل ښاروالۍ د مشرتابه لارښونې بیان کړې او د چارو په چټکتیا او ښه ترسره کېدو یې ټینګار وکړ. نوموړي وویل: د کابل ښاروالۍ مشرتابه هیله لري چې، نوی ټاکل شوی رئیس به په پوره رښتینولۍ او ایماندارۍ خپل کارونه ترسره کړي څو د یادې ادارې ماشینري او وسایط هر وخت فعال او کارکولو ته چمتو وي. ورته مهال د کابل ښاروالۍ د کارکوونکو چارو رئیس ښاغلی عیسي خیل یو ژمن، مسلکي او با تجربه کس یاد کړ چې، په وینا یې په ټاکل کېدو سره به یې د کابل ښاروالۍ د وسایطو او ماشینرۍ په برخه کې مثبت بدلون راشي